Бугарија ќе стане првата членка на Европската Унија што ќе воведе посебна програма за поддршка на енергетски интензивните индустрии, како дел од мерките за ублажување на последиците од енергетската криза предизвикана од војната во Иран. Државата ќе покрие 50 проценти од дополнителните трошоци
Министерот за енергетика Трајчо Трајков изјави дека шемата е во завршна фаза на одобрување од страна на Европската комисија и би можела да почне да се спроведува во следните две до три недели, објавува Ројтерс.
Според планот, државата ќе покрие 50 проценти од дополнителните трошоци за електрична енергија кога пазарната цена ќе надмине 63 евра за мегават-час, а мерката ќе се применува ретроактивно од 1 јули 2025 година.
Трајков нагласи дека регулираните цени на електричната енергија за домаќинствата остануваат непроменети и дека сегашните нивоа на цените не претставуваат непосреден проблем, нагласувајќи дека овие мерки се превентивни, имајќи предвид дека Бугарија сама произведува најголем дел од својата електрична енергија.
Програмата ќе биде финансирана со 125 милиони евра од Фондот за безбедност на енергетскиот систем за периодот од јули 2025 до јуни 2026 година. Бидејќи цените на електричната енергија беа релативно стабилни во текот на изминатата година, властите очекуваат дека трошоците за спроведување на оваа мерка во 2026 година нема да бидат високи.
(Biznis.rs)
Фото –
