Тешката ракета „Њу Глен“ на „Блу Ориџин“ постави сателит во погрешна орбита за време на третото лансирање, потврди вселенската компанија основана од Џеф Безос.
Компанијата забележа дека околностите сè уште се под истрага. „Моментално ја проценуваме ситуацијата и ќе ги ажурираме податоците кога ќе имаме подетални информации“, соопшти „Блу Ориџин“.
Ракетата беше лансирана како што беше планирано од лансирната база Кејп Канаверал во Флорида, а ова е и прв пат претходно користен ракетен погон да биде повторно употребен. Погонот успешно слета на платформата во Атлантикот по одвојувањето.
Сепак, сателитот, наречен „Блу Берд 7“, беше поставен во пониска орбита од предвидената, потврди производителот на сателитот AST SpaceMobile. „Њу Глен“ стигна до вселената на својот прв лет во јануари 2025 година.
На својата втора мисија, околу десет месеци подоцна, тој однесе два орбитатори на НАСА на Марс. Целта на „Блу Ориџин“ е да го користи системот „Њу Глен“ за да се натпреварува со „СпејсИкс“ на Елон Маск, кој моментално доминира на пазарот за комерцијални лансирања.
Фото – Needpix
