Bugatti, брендот познат по градење супер автомобили за супербогатите, сега го стави своето име на велосипед кој чини дури 23.599 долари (20.000 евра) и ќе се произведува во само 250 единици низ целиот свет.
Се нарекува Bugatti Factor One и е резултат на соработка помеѓу францускиот производител на супер автомобили и Factor Bikes. Тоа е токму оној вид велосипед што би го очекувале од компанија која произведува некои од најмоќните и најексклузивните автомобили на планетата.
Велосипедот беше претставен во Шангај во март. Како што се очекуваше, тој е наменет за колекционери и сериозни велосипедисти.
Но, ова не е само велосипед од висока класа со фенси лого. Factor тврди дека верзијата на Bugatti оди подалеку од стандардните правила за тркачки велосипеди. Со пошироко растојание помеѓу виљушките и редизајниран преден дел што го намалува отпорот и ја подобрува стабилноста при големи брзини.
Компанијата отворено наведува дека велосипедот е надвор од опсегот на прописите на UCI. Ова значи дека не е наменет за класични официјални трки, туку е еден вид еквивалент на хиперавтомобил со две тркала.
Деталите, како што се очекуваше, се вистинско инженерско чудо. Велосипедот има препознатлив двобоен дизајн инспириран од Bugatti. Видливи 3K јаглеродни влакна кои потсетуваат на материјалите што се користат во автомобилите на Bugatti. Амблемот „Танцувачки слон“ на предната страна. Специјални црни тркала Inc Bugatti Hyper 62 со тежина од 1.298 грама по пар. Гуми Continental Grand Prix 5000 TT TR со ознаки на Bugatti. Специјално дизајнирано седиште Selle Italia покриено со алкантара, како и германски SRM мерач на моќност со THM јаглеродни рачки.
Дури и торбата за велосипед е изработена по нарачка.
Високата цена е, всушност, дел од поентата. Factor ja одредува за Bugatti Factor ONE на 23.599 долари – речиси три пати повисока од почетната цена на стандардниот Factor One. Тоа го става во ценовниот ранг на половен автомобил. Секако, купувачите на Bugatti обично не се оние кои се двоумат за велосипед со петцифрена вредност. Тие ја купуваат идејата исто колку и производот. Екстремни перформанси, премиум материјали и ексклузивност, со сериски број.
Тоа е она што Bugatti го продава подобро од скоро кој било друг. Не само транспорт, туку и спектакл. Нивниот велосипед го следи истиот рецепт. Пренагласен, педантно осмислен, екстремно скап и речиси сигурно непотребен.
„Овој проект нè натера да ги доведеме во прашање сите претпоставки и да ги поместиме границите на инженерството на ист начин како што Bugatti го прави во автомобилската индустрија повеќе од еден век“, рече основачот на компанијата, Роб Гителис.
(Forbes.rs)
(фото: Factor Bikes)
