Бензините поскапуваат за 4,5 – дизел горивото за 6,5 денари за литар. Регулаторната комисија за енергетика во најновата одлука за цената на горивата реши малопродажната цена на Еуросупен 95 да изнесува 91,5 денари, 98цата 93,5 денари за литар а пак дизелот ќе се продава по цена од 98,5 денари за едно литро наточено на бензинските пумпи низ државава. Новата цена на екстра лесното масло за домаќинство достигна цена од 98 , денари за литар бидејќи и тоа се зголемува за 6 денари за литар. Овие цени ќе важат од вечерва по полноќ.
ЕУРОСУПЕР БС-95 91,5 ден
ЕУРОСУПЕР БС-98 93,5 ден
ЕУРОДИЗЕЛ 98 ден
ЕКСТРА ЛЕСНОТО МАСЛО 98,5 ден
Според информациите од Регулаторната комисија за енергетика зголемувањето на малопродажните цени на нафтените деривати е во просек од 4,8%. Но регулаторот сепак ги потсетува трговците со горива од земјава дека ова се највисоките цени по кои може да се врши малопродажба, сеако дека има простор за нивно намалување доколку постои интерес кај газдите на бензиските пумпи.
РКЕ: „Напоменуваме дека ова се максималните цени на нафтените деривати. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.“
Во оваа пресметка и натаму се применува намалена акциза од два денари за литар кај бензините и четири денари кај дизелот. А само пред една недела или на 10 август цените на бензините беа намалени за четири денари, а дизелот за осум денари за литар.
„Конкретно, најновата одлука на Регулатрната комисија за енергетика значи дека, еден резервоар за бензин од 50 литри ќе чини за 225 денари повеќе или 325 денари дизел повеќе, во однос на тоа што граѓаните би платиле до вечерва до полноќ.“
А според најновото истражување на Институтот за економски анализи Finance Think за една година горивата се поскапени за речиси 20 отсто.
Фото – Pixabay
