Европската унија минатата година произведе 3,44 милијарди литри сладолед, што е за 1,9 проценти повеќе од претходната година, објави Евростат.
Германија остана најголем производител, со произведени 608 милиони литри сладолед, иако растот на производството во земјата од 0,2 проценти беше најмал меѓу петте најголеми производители во ЕУ.
Италија се најде на второто место, произведувајќи 549 милиони литри сладолед, што е за 10 проценти повеќе отколку во 2024 година. Следува Франција со 525 милиони литри, што е зголемување од четири проценти, Шпанија со 457 милиони и раст од два проценти, и Белгија со 274 милиони литри, што е зголемување од шест проценти во производството.
Минатата година од земјите на ЕУ во земји надвор од Унијата беа извезени 289,8 милиони килограми сладолед, додека 77,8 милиони килограми беа увезени. Извозот се зголеми за 10 проценти (26 милиони килограми) на годишно ниво, додека увозот се зголеми за 12 проценти (8,5 милиони килограми).
Најголем извозник, како и во претходните години, беше Франција, која извезе 59,1 милиони килограми сладолед во земји надвор од ЕУ, што е една петтина од вкупниот извоз од ЕУ.
По Франција, земјите од кои е извезен најмногу сладолед беа Италија, Белгија, Германија и Холандија.
(N1)
(фото: Deviant Art)
