Вредноста на биткоинот за првпат се искачи над 112.000 долари (приближно 95.000 евра), достигнувајќи ново историско највисоко ниво, поттикната од силната побарувачка од страна на институционалните инвеститори и поволното пазарно расположение.
Водечката криптовалута во еден момент забележа раст од 3,1 отсто, достигнувајќи 112.009 долари, со што нејзиниот раст од почетокот на годината достигна речиси 20 отсто, според податоците на Bloomberg.
Покрај тоа, технолошките акции – предводени од Nvidia, која во средата ја надмина границата од 4 трилиони долари пазарна капитализација – дополнително ги поттикнаа ризичните средства на пазарот, приближувајќи го индексот S&P 500 до рекордни вредности.
Актуелната еуфорија им оди во прилог на компаниите што го користат биткоинот за нови рунди на финансирање, додека инвестициите од институционалните играчи сè повеќе ја зајакнуваат улогата на криптовалутите на пазарот.
Иако сите тековни сигнали укажуваат на понатамошен раст, експертите за криптовалути ги советуваат инвеститорите да останат претпазливи, бидејќи пазарите на дигитални средства се чувствителни на ненадејни промени во расположението.
(Al Jazeera)
(фото: BizNewsPost)
