Децата кршат многу работи и сите го знаат тоа. Кога не кршат, фаќаат со лепливи раце или бојат ѕидови и мебел. Токму затоа се плашите секој пат кога вашите деца ќе го дофатат вашиот скап таблет, а доколку им купите таблет за нив, сигурно и него ќе го скршат. 
Како што информира Mashable, популарните таблети Fire на Amazon годинава беа надградени со потенок изглед и батерија со подолг век на траење. Во серијата е вклучен и таблетот Kids Edition, кој е токму она што ви треба. Kids Edition не е играчка туку целосно функционален Fire таблет кој може да ги издржи малтретирањата од вашите деца благодарение на посебната футрола. 
Fire Kids Edition доаѓа со една година бесплатно користење на нивната услуга за семејства FreeTime Unlimited. Освен тоа што има мноштво детски содржини, FreeTime unlimited им овозможува на родителите да го ограничат времето кога се користи таблетот. Најбитниот момент е двегодишната гаранција. Доколку вашето дете го скрши таблетот пред истекот на гаранцијата, Amazon ќе ви испрати нов без да ве прашаат ништо. Само ќе треба да го испратите скршениот таблет.
