Вработените се огледалото на една компанија и се претставници на вредноста на брендот на вашата организација.
Сѐ повеќе компании ја согледуваат важноста на бизнис бонтонот и добрата бизнис комуникација како главен адут во борбата против конкуренцијата поради што ги следат меѓународните трендови на корпоративна комуникација.
Еве некои правила кои се задолжителни кога настапувате во одредена бизнис ситуација.
- Ракувањето и понатаму е професионален стандард
- Проверете два пати пред да кликнете „испрати“
- Не влегувајте ненајавени во нечија канцеларија
- Ценете ги луѓето околу вас – не наслушувајте и не ширете лаги
- Бидете точни и исклучете го телефонот во текот на состаноци.
Добрата бизнис комуникација и бизнис бонтонот се особено важни кога сакате да демонстрирате професионалност. Покрај овие неколку правила кои ги наведовме, треба да се посвети внимание и на невербалната комуникација или говорот на телото. Внимавајте во сериозни бизнис ситуации како ќе се облечете, внимавајте на хигиената, шминката, гестовите, мимиките, насмевките и љубезноста.
При тоа, осигурајте се дека ќе настапите со умерен стил на комуницирање и ќе внимавате и на паравербалната комуникација како тонот на гласот, акцентот и брзината на говорење.
Запомнете дека апсолутно секој од вработените во компанијата, вклучително и вие, носите одговорност да ја претставувате вашата фирма во најдобро можно светло, а дополнително, со владеењето на бизнис бонтон, ќе градете и добри меѓучовечки односи во самиот работен тим.
