Apple во минатите години многу не го надоградуваше својот популарен лаптоп MacBook Air, но американскиот технолошки гигант до крајот на 2018 година ќе претстави нова и поевтина верзија на овој компјутер, пишува N1.
Поевтиниот 13-инчен лаптоп ќе биде лансиран на пазарот во вториот квартал на 2018 година. Се прогнозира дека попристапната цена ќе ги зголеми продажбите на лаптопот на Apple.
MacBook Air пред две години доби надградување на процесорот со верзијата на Intel од 1.8 GHz и оваа верзија моментално чини 999 долари. Спецификациите на најавениот поевтин MacBook Air уште не се познати, а ниту неговата цена.
Покрај новиот лаптоп, Apple оваа година планира да ги освежи своите AirPod и HomePod уреди, а наводно се подготвуваат и да лансираат две нови верзии на iPad.
Претставувањето на новиот модел на MacBook Air најверојатно ќе се случи на годишниот настан на Apple подоцна годинава.
