Одредени бизниси уште негодуваат дали им е потребна веб страница или Интернет огласување. Но дигитализацијата станува побрза и побрза, а доколку и вие уште си ги поставувате овие прашања за вашиот бизнис, тогаш мора да го забрзате процесот бидејќи ќе останете зад конкуренцијата. Еве неколку сугестии зошто Интернет огласување функционира секогаш.
1. Интернет страницата е првиот контакт кој купувачите го остваруваат со вас
Во денешно време скоро и да не постои таргет група која нема да го пребара вашиот бизнис на Интернет. А зошто и да не ве бараат? Интернетот овозможува да се истражи конкуренцијата и да се избере понудата која најмногу ќе му одговара на купувачот. Доколку вашата веб страница не е помеѓу првите резултати во пребарувањата или воопшто немате веб страница, тогаш им ги препуштате купувачите на својата конкуренција.
2. Единствен увид во успешноста на вашата веб страница или оглас
Дали знаевте дека можете точно да видите кој оглас ви донел најмногу сообраќај, на кој дел од веб страницата купувачите најмногу се задржале и поради што евентуално си заминале од веб страницата? Интернет огласувањето е единствената платформа која ви нуди точен увид во успешноста и оправданоста на вложените средства.
3. Избирање на точна таргет група
Таргетирањето или избирањето на публиката според одредени карактеристики, ви овозможува вашиот оглас да се прикаже само кај луѓето кои би ви биле потенцијални купувачи. На пример, доколку продавате детска опрема, можете да таргетирате само млади родители во одредена рамка на возраст. На овој начин ќе осигурате дека средствата кои ги вложувате во огласување ќе ги потрошите на вистинскиот начин.
4. Запознавање на луѓето со вашата фирма или градење т.н. brand awareness
Со огласувањето и присуството на социјалните мрежи можете да ги насочите луѓето кон вашата веб страница и да ги запознаете со она што го работите. Дури и ако во моментот не им е потребен вашиот производ или услуга, сигурно ќе се сетат на вас следниот пат кога ќе го бараат она што вие го нудите.
5. Ремаркетинг
Ремаркетинг е опција за огласување која ви овозможува да го прикажете огласот само на луѓе кои искажале интерес за вашата услуга или производ, но поради некои причини не го купиле. Овие посетители одлучиле да ја напуштат кошничката или страницата, но ова сепак покажува дека се заинтересирани за тој производ. Потребен им е дополнителен поттик, а вие сега тоа го знаете и можете само кон нив да ги насочите понудите. Статистиката покажува дека скоро 75% од корисниците на овој начин го завршуваат купувањето.
Интернет огласување и квалитетната веб страница станаа клучен елемент од било која маркетинг стратегија. Тие ви пружаат бројни погодности како ниски трошоци и целење кон точно одредена публика, опции кои пак не ви се достапни преку другите медиуми.
