Вака корисниците можат да ги поврзат нивните сметки за лојални потрошувачи преку Google и да добијат персонализирани цени кај трговците. На пример, доколку еден потрошувач на Ulta во САД ја отвори својата сметка за лојални потрошувачи преку Google, ќе му бидат понудени релевантни производи од Ulta при пребарување на производи за убавина на Google. Не само што вака корисниците ќе можат полесно да пристапат до омилените трговци, туку трговците ќе можат да вршат поредовна продажба. Освен тоа, ако некој корисник секој месец купува исти производи, Google ќе им ги понуди тие производи кога ќе процени дека треба да ги купат пак.
Од Google велат дека партнерските компании Target и Walmart веќе забележуваат добри резултати. Меѓу другите партнери се компаниите Home Depot, Costco и Ulta. Парнерите кои ја користат Shopping Actions бележат зголемување на потрошувачката кошница по корисник од 30%. Останува да се види дали и помалите трговци и брендови со помал избор на производи и помала корисничка база ќе имаат добри резултати со Shopping Actions.
