Српската државна агенција за развој ќе лансира сопствен акцелератор за стартапи

Српската државна агенција за развој RAS објави дека планира да започне пилот проект за отворање на акцелератор за стартапи оваа пролет со цел да го подобри пристапот на малите и средните претпријатија до извори на финансирање.

Главната цел на проектот е да се претстават инструменти и да се развијат практични решенија за да се имплементира стратешка рамка за поддршка на развој на акцелераторите.

Како што пренесува порталот SEENews, програмата ќе таргетира иновативни микро, мали и средни претпријатија во Србија кои имаат ограничен пристап до капитал, особено во раните фази на развој. Важна таргет група на проектот ќе бидат и организациите за поддршка на бизнисот кои пак ќе овозможуваат нови и подобрени услуги за акцелерација.