Google претстави нова апликација Google Tasks

Деновиве Google ја претстави редизајнираната верзија на Gmail, а со неа претстави и нова апликација поврзана со другите апликации од овој дигитален сервис. Се работи за апликацијата Google Tasks или во превод Задачи.

Како што пишува Klix.ba, апликацијата е наменета за креирање, преглед и уредување на листата на задачи, вклучувајќи ги и оние задачи креирани преку новиот Gmail или Google календарот.

Преземањето на апликацијата, како што јавуваат од сервисот е доста едноставно како и користењето на истата, со тоа што освен што можете да креирате листи на задачи, можете да ги селектирате по приоритети.

Апликацијата ги поедноставува нештата со тоа што не дозволува да го подесувате времето до кога сакате да биде завршена задачата, туку само датумот.