Новиот безжичен полнач на Samsung истовремено ќе полни два уреди

- Advertisement -

Samsung планира да претстави безжичен полнач кој ќе може истовремено да полни два уреди – паметен телефон и часовник Galaxy Watch. Фотографијата од полначот наречен Wireless Charger Duo се појави на Интернет во пресрет на традиционалната конференција за медиуми на Samsung, Unpacked, која ќе се одржи во Барјклејс центарот во Њујорк на 9 август.

Кутијата од полначот може да полни истовремено или два Qi компатибилни паметни телефони или еден паметен телефон и еден паметен часовник Galaxy Watch. И двете места за полнење поддржуваат брзо полнење.

- Advertisement -

Наводно, идниот Galaxy Note 9 ќе има батерија од 4.000 mAh, а Samsung го регистрирал новиот бежичен полнач кој уште повеќе ќе го забрза веќе брзото полнење на паметните телефони Galaxy. Уште не е јасно дали Wireless Charger Duo ќе биде способен за такви можности.

Овие информации за Wireless Charger Duo доаѓаат во време кога Apple работи на својот мат полнач AirPower, кој е најавен уште во септември минатата година. Тој полнач истовремено ќе може да полни три уреди: iPhone, Apple Watch и AirPods слушалки.

Сподели!
- Advertisement -