Facebook штотуку го доживеа најголемиот пад на берзанската вредност во историјата на САД . Акциите на компанијата вчера паднаа за дури 19% , на околу 176,26 долари откако инвеститорите беа разочарани од продажбата и порастот на бројот на корисници. Падот резултираше со намалување на вредноста на Facebook за друи 119,4 милијарди долари, што е најголемата загуба на вредност на една компанија за само еден ден во целата американска историја.
Овој пад дојде веднаш по предвидувањето на анaлитичарите дека ќе се намали профитабилноста на компанијата, напиша Bloomberg. Во средата, основачот на Facebook, Марк Цукерберг, објави пост во кој се пофали со достигнувањата на социјалната мрежа – наведе дека месечно платформата Facebook има 2,5 милијарди корисници. 
