Пристигна новиот, супер моќен Galaxy Note9

Со целодневни перформанси, ново “С“ Пенкало (S Pen) и интелигентна камера, Галакси Ноут 9 (Galaxy Note 9) е создаден да ве следи во динамичното секојдневие

Компанијата Самсунг Електроникс (Samsung Electronics Co., Ltd.) денес го најави Галакси Ноут9 (Galaxy Note9) – најновото дополнување на својата серија премиум Ноут (Note) уреди. Серијата Ноут е препознатлива по вклучувањето на најновите иновативни решенија од Компанијата, па затоа Галакси Ноут9 се заснова на ова наследство како премиум паметен телефон кој обезбедува врвна изведба, ново “С“ Пенкало (S Pen) со можност  за поврзување кое се појавува прв пат досега, и најинтелигентната камера на Самсунг досега.

“Ноут серијата отсекогаш е пример за премиум технологија и иновативност која ја дефинира индустријата, и Галакси Ноут9 не е исклучок од ова. Новиот уред е дизајниран за ниво на перформанси, моќ и интелигенција кои корисниците на денешницата ги сакаат и им се потребни. Фановите на Ноут се најлојалните корисници на Самсунг. Знаеме дека тие сакаат сѐ – да го искористат максимумот од работните можности и можностите за забава, а Галакси Ноут9 е единствениот телефон кој може да ги следи нивните динамични животи.” – изјави ДЏ Кох (DJ Koh), Претседател и Извршен Директор на Одделот за ИТ и Мобилни Комуникации, Самсунг Електроникс.

Целодневна употреба

Луѓето се потпираат на нивните паметни телефони за речиси сè што прават – цел ден, секој ден. Тие имаат потреба од телефон кој може да го следи нивното темпо, без притоа да мора да најдат најблиско место за полнење, или пак да ги избришат фотографиите за да ослободи место за зачувување на податоци, без нервозно да чекаат да се симне видеото пред да се качат на нивниот лет или да се справуваат со било каков застој при играње на игри.

Тие имаат потреба од телефон кој нема да ги изневери, а Галакси Ноут9 тоа го овозможува.

• Целодневна батерија: Батеријата од 4.000mAh на Галакси Ноут9 е најголемата досега на премиум Галакси уредите, со долготрајна моќност за целодневна употреба при разговор, пишување, играње игри и гледање филмови од утро до вечер.
• Чувајте повеќе, избришете помалку: Галакси Ноут9 е достапен со две внатрешни опции за зачувување податоци – може да изберете од 128GB или до 512GB. Со можноста да вметнете микроСД (microSD) картичка, Галакси Ноут9 е 1TB[1] подготвен да ви обезбеди спокојство и уживање знаејќи дека имате доволно простор за омилените фотографии, видеа и апликации.
• Брзина и моќност: Галакси Ноут9 е супер моќен паметен телефон со најсовремен 10nm процесор и поддршка за највисоките мрежни брзини достапни на пазарот (до 1,2 гигабити во секунда) за проследување и преземање без забавување. Галакси Ноут9, исто така го вклучува и водечкиот во индустријата, развиен од Самсунг, систем за ладење со вода и јаглерод и алгоритам за адаптирање на перформансите базиран на вештачка интелигенција (АИ), за да ги испорача моќните, но стабилни перформанси.
  

Еволуција на “С“ Пенкалото

“С“ Пенкалото е карактеристичен белег за Ноут серијата. Со негова помош корисниците го креираа својот препознатилв знак, а Самсунг го прошири поимот за тоа што може да направи паметниот телефон. Она што започна како алатка за пишување и цртање, сега става повеќе моќ и контрола во рацете на корисниците.

Со поддршка за Блутут Ниска-Енергија (Bluetooth Low-Energy – BLE), новото “С“ Пенкало нуди сосема нов начин за користење на Ноут. Со само еден клик, сега е можно да се направат “селфи“ и групни фотографии, да се презентираат слајдови, да се паузира и пушта видео, и уште многу други работи. Програмерите дури можат да го интегрираат новото “С“ Пенкало со напредни “BLE” функционалности во нивните апликации подоцна оваа година.

Интелигентна камера која креира совршени фотографии

Може да претставува предизвик да се креира фотографија која ќе изгледа исто како оние направени од професионалците – но повеќе не би требало да е. Галакси Ноут9 се базира на водечката технологија за камери на Самсунг и нуди  нови можности  со кои добивате совршена слика.

• Оптимизатор на сцена: Камерата на Галакси Ноут9 е најпаметната камера досега на Самсунг. Таа користи интелигенција за да ги идентификува елементите на фотографијата, како што се сцената и субјектот, за автоматски да ги класифицира во една од 20-те категории и моментално да ја оптимизира врз основа на категоријата. Резултатот е неверојатен со реалистична слика во која има јасни бои и динамичка дефиниција.
• Откривање недостатоци: Првото сликање не секогаш излегува онака како што посакуваме, но Галакси Ноут9 им овозможува на корисниците да знаат дека нешто не е во ред со фотографијата за да можат да направат друга, без притоа да го изгубат моментот кој сакаат да го зачуваат. Корисниците се известени со појавување на итно известување доколку фотографијата е заматена, субјектот трепка, има отисок или прашина на објективот или има задно осветлување што влијае на квалитетот на фотографијата.
• Премиум камера: Со уникатната комбинација на напредни функции и водечки премиум хардвер, камерата на Галакси Ноут9 е најдобрата на пазарот – со напредна технологија за намалување на шум и објектив со двојна[2] решетка, која се прилагодува на светлината исто како човечкото око. Независно од условите на осветлување, најдобрата камера на Галакси Ноут9 обезбедува кристално чиста слика.

Премиум искуства: од работа до игра

Бесконечниот екран (Infinity Display) е камен-темелник на дизајнерското наследство на Самсунг, а Галакси Ноут9 има досега најголем приказ од еден до друг раб од цела Ноут серија. Супер АМОЛЕД (Super AMOLED) Бесконечниот екран со големина од 6,4-инчи обезбедува навистина извонредно мултимедијално искуство. Бесконечниот екран на Галакси Ноут9 е надополнет со стерео звучници, подесени од АКГ (AKG), како и способноста да се испорача извонредно аудио од Долби Атмос (Dolby Atmos®) за неверојатен звук кој нуди редално доживување. Видеото гледано од мобилен уред никогаш не изгледало и звучело подобро како од она пуштено на Галакси Ноут 9. Јутуб (YouTube) дури го нарече новиот Галакси Ноут9 како уред препознатлив по испорачување најдобро искуство при следење Јутуб содржини.

Галакси Ноут9, со помош на Самсунг Де-е-Икс (Samsung DeX), нуди и искуство слично на користење на компјутер. Корисниците можат да работат на своите презентации, да ги уредуваат фотографиите и да го гледаат омиленото шоу, сето ова преку својот телефон. Лесно преносливите “HDMI“ адаптери[3] овозможуваат поедноставно поврзување со Самсунг Де-е-Икс, без разлика каде се наоѓаат корисниците. Кога е поврзан со монитор, Галакси Ноут9 може да напојува виртуелен десктоп, па дури и да служи како целосно функционален втор екран. Корисниците може да креираат белешки со “С“ Пенкалото додека гледаат видео или да го користат Галакси Ноут9 како управувач осетлив на допир (trackpad), за десен клик, да повлечат и постават содржини од една во друга папка, или да користат повеќе прозорци на мониторот. Никогаш не било полесно да се биде попродуктивен.

Галакси и понатаму

Премиум Галакси технологиите се стандард за Ноут9: брзо безжично полнење, “IP68“ отпорност од вода и прав[4] и Самсунг услугите како Самсунг Здравје (Samsung Health) и Самсунг Плати (Samsung Pay). Галакси Ноут9 ја содржи и карактеристичната сигурна платформа “Knox“ со биометриски безбедносни опции, вклучувајќи го скенирањето на отпечатоци, скенирањето на ирисот и способности за препознавање на лице, со цел за да се зачуваат важните информации безбедни.

Галакси Ноут9 отвора еден свет на можности – тоа е портал за целосниот екосистем на Самсунг уредите и услугите. На пример, користете го Галакси Ноут9 и “SmartThings“ апликацијата за да ги контролирате поврзаните уреди или да направите повеќе со помош на Биксби (Bixby)[5], персонализираниот и интелигентен асистент. Исто така со лансирањето на Галакси Ноут9, Самсунг го олеснува уживањето во музиката со новиот долгорочен партнер, Спотифај[6] (Spotify). Партнерството со Спотифај ги прави лесни, достапни и беспрекорни синхронизирањето и преносот на музиката, плејлистите и подкастите преку Галакси Ноут9, Галакси часовникот (Galaxy Watch) и паметните ТВ уреди.

На македонскиот пазар, Галакси Ноут9 ќе биде достапен за купување од 24. август 2018 година, а сите заинтересирани ќе може да го одберат својот модел во  Полноќно Црна и Лаванда Виолетова нијанса, како и новата Океанско Сина нијанса со уникатно жолто “С“ Пенкало.

За повеќе информации за Галакси Ноут9, посетете ги http://www.samsungmobilepress.com, news.samsung.com/galaxy или www.samsung.com/galaxy.

Спецификации на производот Галакси Ноут9: