Сега можете да гледате десетици филмови бесплатно на YouTube. Во октомври гигантот тивко додаде околу 100 долгометражни филмови за кои не мора да плаќате претлата за да ги гледате. Единствениот проблем е што ќе мора да издржите и да ги гледате и неколкуте реклами.
Категоријата „Free to watch“ вклучува најчесто постари филмови, но има и некои култни класици и познати наслови како што се „Rocky“, „Legally Blonde“, „The Terminator“ и „Four Weddings and a Funeral“. Рекламите ќе се појавуваат без некој редослед во текот на филмот.
За да проверите кои филмови можете да ги гледате бесплатни, одете на YouTube и изберете „Movies & Shows“ од менито лево. Потоа побарајте го делот „Free to watch“, кликнете на филмот што сакате да го гледате и автоматски ќе почне како и секое видео на YouTube.
YouTube долго време на корисниците им овозможува да гледаат филмови и серии – од некои нови наслови до стари класици и сето тоа за различна цена. Компанијата се одлучи да понуди бесплатни филмови откако се покажа дека корисниците ја сакаат таа опција. Засега не е познато како ги плаќа рекламите и дали има склучено договори со филсмките студија. Се очекува YouTube да ја проширува листата со бесплатни филмови со тек на време.
