Audi ќе инвестира 14 милијарди долари во автоматизација на возила

Германскиот производител на луксузни автомобили Audi најави дека до 2023 година планира да инвестира 14 милијарди евра во дигитализација и технологија за високоавтоматизирано возење. Во соопштението се наведува дека во наредните пет години од Audi планираат вкупна инвестиција од дури 40 милијарди евра.

Најавуваат и мерки за реструктурирање, кои веќе оваа година ќе ја зголемат добивката на компанијата за милијарда евра. „Овој циклус на планирање носи јасен потпис: системски пристапуваме на електричната мобилност и во иднина ќе бидеме многу повеќе фокусирани“ изјави привремениот извршен директор на Audi, Брем Скот.