Нема промена на листата со најбогати луѓе во светoт на магазинот Forbes – основачот на Amazon, Џеф Безос, и понатаму е најбогатиот чоек на светот, пред Бил Гејтс и Ворен Бафет, а Марк Цукерберг падна за три места, додека Мајкл Блумберг се искачи за две места
Богатството на Гејтс, пак, умерено се зголемува и моментално изнесува 96,5 милијарди долари наспрема 90 милијарди минатата година. Третопласиран е инвеститорот Ворен Бафет (88), кој воедно е најстар на листата и неговото богатство се намали за 1,5 милијарди долари изминатата година, па сега поседува 82,5 милијарди долари.
Претседателот на француската компанија LVMH, Бернар Арно, останува на четврто место, додека сопственикот на Facebook, Марк Цукерберг, изгуби околу 9 милијарди долари од богатството и падна од 5. на 8. место. Тој и понатаму е најмлад меѓу топ 10 и се наоѓа зад мексиканскиот телекомуникациски магнат Карлос Слим, Шпанецот Амансио Ортега, кој е основач на Inditex и на Zarа и зад американскиот соосновач на Oracle, Лери Елисон.
Американците и понатаму доминираат на листата – имаат 14 милијардери меѓу топ 20. Франција има двајца свои претставници, Бернар Арно и Франсоаз Батанкур Мејер, која е наследничка на L’Oreal и се наоѓа на 15. место, а е единствена жена меѓу топ 20 најбогати луѓе во светот.
Меѓу неамериканците во првите 20 е и Индиецот Мукеш Амбани, претседател на Reliance Industries, кој се наоѓа на 13. место и Кинезот Ма Хуатенг, претседател на кинескиот интернет гигант Тencent на 20. место.
