Компанијата Alibaba со излезот на берза би можела да добие дури 20 милијарди долари, изјавиле неименувани извори минатиот месец, што е сепак помалку во однос на рекордните 25 милијарди долари што ги има акумулирано на њујоршката берза пред пет години.
Во тоа време, основачот на Alibaba, Џек Ма, изразил желба за акциите на компанијата да се вклучат на Хонконгшката берза, но тогашната менаџерска структура на компанијата не била во согласност со правилата на берзата. Берзата од тогаш ги променила правилата за котација, првенствено за привлекување на кинески технолошки стартапи.
Последниот излез на берзата би и овозможило на Alibaba доволно ресурси за да инвестира во технологија, што е приоритет за Кина бидејќи нејзиниот економски раст забавува, а трговскиот спор со САД се интензивира.
Од излезот на Њујоршката берза, големината на компанијата Alibaba речиси двојно се зголемила, така што станала најголема кинеска компанија со пазарна вредност од преку 400 милијарди долари.
Reuters наведува и дека листата на Хонконгшката берза ќе им овозможи на кинеските инвеститори прв директен пристап до една од најголемите успешни приказни во земјата.
