Постојано слушаме и читаме дека се топеле глечерите поради климатските прoмени и дека ситуацијата станува многу посериозна. Но, не можеме да сфатиме колку навистина е сериозен проблемот додека не видиме со сопствени очи. Ова видео ќе ги разјасни сите сомнежи кои можеби сме ги имале.
Видеото го објави новинарката Лори Герет на Twitter, а на него се гледаат ефектите од масивното топење на глечерите во Греналдн. Снимено е во градот Кангерлусуак на западниот дел од Гренланд, а ја прикажува реката која се создала од стопените глечери и сега се влева во океанот.
This is a roaring glacial melt, under the bridge to Kangerlussiauq, Greenland where it’s 22C today and Danish officials say 12 billions tons of ice melted in 24 hours, yesterday. pic.twitter.com/Rl2odG4xWj
— Laurie Garrett (@Laurie_Garrett) August 1, 2019
Настанот се случил после невообичаено високите температури кои го зафатиле островот минатата недела. Температурите се искачиле до 22 степени Целзиусови. „Ова е огромна река од стопените глечери која тече под мостот до Кангерлусиак на Гренланд, каде што денешните 22 степени Целзиусови истопија неверојатни 12 милијарди тони мраз за само 24 часа“, напиша новинарката на својот профил на Twitter.
Додека во Гренланд има забрзано топење на мразот како ова барем еднаш годишно, годинава ова е вториот случај да се формира река од стопениот мраз. Според научниците на Гренланд, тие минатиот четврток забележале топење на 11 милијарди тони мраз, што е еднакво на 4,4 милиони олимписки базени.
