Xiaomi на 5 ноември ќе го претстави својот прв паметен часовник

Xiaomi на 5 ноември ќе го претстави првиот паметен часовник. Во минатото уредите на Xiaomi наликуваа на тие од Apple, а тоа е случај и со првиот паметен часовник на компанијата. Од Xiaomi објавија фотографија и видео кои откриваат дека нивниот прв паметен часовник наликува на Apple Watch.

Часовникот има правоаголен екран осетлив на допир, речиси идентичен со тој на Apple Watch. Рабовите се заоблени, а од страна има ротирачко копче за управување со менито.

Името на часовникот уште не е познато, но се шпекулира со името Mi Watch. Паметниот часовник поддржува Wi-Fi, GPS, NFC и Bluetooth, а содржи и eSIM за разговарање по телефон. Часовникот има процесор Snapdragon Wear 3100 Qualcomm.