Регулаторната комисија за енергетика денеска ја соопшти својата одлука за новите цени на горивсата, донесена врз основа на цените на нафтените деривати во светот и курсот на доларот.
Така, според новата одлука, поскапуваат сите горива. Бензинот Еуросупер БС-95 поскапува за 1 денар и од ноќеска на полноќ ќе се продава по цена од 68,50 денари за литар. Еуросупер БС-98, пак, ќе поскапи за половина денар и од ноќеска ќе се продава по 70,50 денари за литар.
За половина денар ќе поскапат и Еуродизел и екстралесното масло за домаќинство, па од ноќеска на полноќ за литар Еуродизел ќе треба да издвоите 62 денари, додека за литар екстралесно масло за домаќинство 50,50 денари.
Малопродажната цена на мазутот М-1 НС се зголемува за 0,206 денари за килограм и изнесува 33,340 денари. Во просек, зголемувањето на нафтените деривати е околу 0,93%.
