Роботите на МИТ играа фудбал во парк

Технолошкиот институт во Масачусетс (МИТ) одлучи да ги демонстрира способностите на своите роботи Cheetah и ги пушти да се забавуваат во парк. На видеото кое го објавија можеме да видиме девет роботи кои се движат по трева прекриена со лисја и правата разни активности.

Роботите одат, удираат топка за фудбал, па дури и прават салто наназад. Во еден момент и синхронизирано танцуваат. Секако, со нив со далеичнски управувач управуваат луѓе. Но, видеото покажува како напредува проектот Mini Cheetah на МИТ.

МИТ планира да произведе цела флота вакви роботи кои ќе се користат за истражувачки цели. Роботите во иднина би можеле да се користат за опасни активности, за потрага и спасување луѓе итн.