Robomart е првата роботизирана продавница-автомобил во светот која ви овозможува да купувате од удобноста на вашиот дом, но не онлајн, туку во живо. Купувањето поефикасно значи достапност, леснотија на користење, пристапни цени и брзина. Токму сето тоа го нуди Robomart, која е првата роботизирана продавница која ја повикувате со пристискање на копче и ви доаѓа дома.
70% од сите патувања до продавница се за купување помалку од 10 производи. Трошиме скапоцено време на одење до маркет. Доставувањето производи до дома имаше за цел да го направи шопингот попрактичен, а сепак само 3% од продуктите се продаваат онлајн. Со децении во минатото корисниците ги добивале производите како зелечнук и млеко доставени до врата, па сега е време да се вратиме на таа пракса.
Компанијата Robomart е основана во 2017 година од страна на Али Ахмед, Тигран Шавериан и Емад Рахим, сериски претприемачи со големо искуство на полето на доставата, роботиката и малопродажбата.
