Хотелите во Лондон им нудат место за спиење на бездомниците во обид да се спречи ширењето на корона вирусот. Во моментот се финализираат плановите за еден голем хотелски синџир да ги прими сите бездомници од Лондон.
Некои од такси возачите волонтираа за да ги превезуваат бездомниците. Бездомниците се особено ранлива категорија за КОВИД 19. Бидејќи немаат дом, нема каде да се самоизолираат и да се заштитат. Освен тоа, бидејќи спијат на улица, многумина од нив имаат здравствени проблеми.
Повеќе од 4.000 луѓе спијат на улица во Англија секоја вечер. Британската влада вети дека ќе издвои 3,2 милиони долари за да им помогне на бездомниците да се самоизолираат.
Обединетото Кралство моментално е во карантин, а од луѓето се бара што е можно повеќе време да поминуваат дома и единствено да излегуваат за да пазарат намирници или ако одат на вежбање.
Сан Франциско во САД исто така презема мерки за да им помогне на бездомниците. Градот изнајмува приколки и хотелски соби каде што 8.000 бездомници ќе можат да се самоизолираат, а луѓето од преполните засолништа се разместуваат во иднивидуални соби.
