Viber најави нова кампања – планира да помага за справување со недостигот од храна, проблем кој се влоши поради пандемијата на КОВИД-19. За таа цел ќе пушти во употреба нови лепенки и целосно нова едукативна заедница.
„Rakuten Viber, една од најголемите апликации во светот за бесплатна и полесна комуникација, го најавува лансирањето на кампањата за собирање средства за организирање на борбата против глобалниот глад, кој се влошува додека трае пандемијата на КОВИД-19. Со новите лепенки и заедница целосно посветена на таа кауза кампањата на Viber ги ангажира сите вработени и корисници, а донациите ќе одат на контото на партнерите како што се Организацијата за храна и земјоделство на ОН, Интернационалната федерација на Црвениот крст, Red Crescent Societies (IFRC), World Wide Fund (WWF), UNICEF, U-report и U.N. Migration“ се вели во соопштението за печат на Viber.
Во извештајот на компанијата се наведува дека според Светската програма за храна на ОН, проценките покажуваат дека најмалку 265 милиони луѓе ќе останат без храна во 2020 година, што е речиси дупло повеќе отколку лани. За да помогнат, Viber ја ласнира заедницата Fight World Hunger Together, како и нови лепенки. Заедницата ќе им помогне на корисниците да ги сменат навиките на јадење, на купување и на готвење со цел да се намали отпадот од храна. Корисниците на апликацијата ќе можат и да купуваат лепенки, а парите што ќе се соберат ќе бидат донирани на хуманитарни организации.
(Android Central)
(фото: Flickr)
