Одобрен е тест кој корона вирусот го детектира преку здивот за 1 минута

Тест од здивот за откривање на корона вирусот, кој дава резултати во рок од една минута, беше одобрен за употреба во Сингапур, соопштија од Националниот универзитет во Сингапур.

Трстот делува слично како и стандардниот алкотест кој полицијата го користи за да утврди дали возачите консумирале алкохол. Потоа „потписот од здивот“ на личноста што го правела тестот со помош на софтвер за машинско учење се споредува со резултатите на некој што е позитивен на КОВИД-19.

Секој што на тестот од здивот ќе биде позитивен ќе прави и PCR тест. Овој и останатите брзи тестови може да бидат клучни за враќање на светот во нормала и за отворање на границите на дравите ширум светот.

(Bizlife)

(фото: Wikimedia)