Лошите вести може да бидат и добри ако се добијат навреме. Научници сега создадоа програма за вештачка интелигенција која може да ги идентификува клучните симптоми на ракот на бели дробови една година порано отколку што можат да ги откријат постојните методи. Тоа се вели во новото истражување претставено на Меѓународниот конгрес на непрофитната организација Европско респираторно општество.
Бидејќи ракот е прогресивна болест која не може да се лекува ако се открие предоцна, оваа вештачка интелигенција има потенцијал да спаси многу животи. Ракот на белите дробови е најчестата причина за смрт од рак во светот, со околу 1,8 милиони жртви годишно на глобално ниво. Но, ракот на бели дробови честопати се дијагностицира многу доцна, кога нема можност за третирање.
Токму затоа истражувачите сега бараат решение во вештачка интелигенција и сакаат да ја користат во процесот на скенирање и да ја дијагностицираат болеста во порана фаза. Конвенционалната компјутерска томографија и биопсијата или операцијата можат да потврдат дали туморот е бенигнен или малигнен, но за секое скенирање е потребен скап радиолог, кој мора да прегледа речиси 300 слики за да најде знаци на тумори на белите дробови, кои може да се многу сложени и мали.
Иако рендгенот има добри резултати при откривањето на високоризичен рак на бели дробови, процесот е бавен. Новата студија вклучува вештачка интелигенција која ја претстави истражувачот Беноа Одлен од тимот на проектот Epione на Универзитетот Инреа на Брегот на Слоновата коска. Тоа е всушност францускиот Национален институт за истражување на дигитални науки и технологии. Одлен соработувал со кјолеги од Универзитетот и со софтверската компанија Therpixel, која работи на медицински снимки.
Вештачката интелигенција била тестирана на 888 пациенти, кои веќе имале направено други снимања и радиолозите потврдиле присуство на сомнителни израстоци. Истражувачите потоа ја тестирале вештачката интелигенција на друга група од 1.179 пациенти. Вештачката интелигенија покажала 97% ефективност при детекцијата на животозагрозувачки видови рак.
(Interesting Engineering)
(фото: Pixabay)
