И годинава нема да се одржи церемонијата за доделување Нобелова награда и ќе им биде врачена на лауреатите во нивните земји, објави Нобеловата фондација.
Традиционалната церемонија минатата година беше заменета главно со дигитална поради пандемијата.
„Мислам дека секој би сакал да заврши пандемијата, но тоа се уште не е така“, се вели во соопштението на Нобеловата фондација.
Организаторите се надеваат дека ќе можат да одржат мала локална церемонија на доделување награди, каде што нема да има лауреати.
Нобеловата фондација вели дека церемонијата ќе се емитува на телевизија, а преносот во живо ќе биде достапен на дигиталните платформи на Нобеловата награда.
Добитниците на наградата за мир и во областите медицина, физика, хемија, литература и економија ќе бидат објавени помеѓу 4 и 11 октомври.
Фондот за награди е основан од шведскиот пронаоѓач на динамит и претприемач Алфред Нобел. Наградите се доделуваат од 1901 година.
Фото – Flickr
