Главната причина поради која луѓето кога избираат нов телефон не се одлучуваат за смартфон со флексибилен екран веројатно е цената. Првите модели такви телефони чинеа повеќе од 2.000 долари, а иако последните модели како Motorolа Razr и Samsung Galaxy Flip Z се поевтини, тие сепак се премногу скапи за просечните корисници.
Тоа го знаат и мобилните компании, па затоа наскоро можеме да очекуваме мобилен телефон чија цена ќе се приближи до границата од 1.000 долари. Наводно, Samsung работи на таков телефон и ќе г претстави како Galaxy Fold Lite. Fold беше првиот телефон со флексибилен екран на Samsung и досега слушавме гласини за неговиот наследник, Galaxy Fold 2, но во последно време повеќе се шират информации за поевтината, односно Lite верзијата.
Според гласините, кои не се потврдени од Samsung, поевтиниот Fold би требало да користи технологија и делови какви што имаше во телефоните од 2018, 2019 и 2020 година. Исто така, Fold Lite би требало да има и помал надворешен керан, веројатно нема да има поддршка за 5G, ќе има само 256 GB меморија, но добро е тоа што Samsung нема да штеди на процесорот. Имено, според гласините, Fold Lite ќе ја има последната и најмоќна генерација на процесорот Snapdragon(865).
Цената, наводно, ќе изнесува околу 1.100 долари. И тоа е скапо, но многу е попристрапно отколку 2.300 долари, колку што чинеа минатогодишните модели на смартфони со флексибилен екран.
