Првата голема банка од Волстрит која ја напушта Русија

Aмериканскаат инвестициска групација Голдман Сакс најави целосен прекин на работењето во Русија. Тоа е прва голема банка од Волстрит која најави ваков потег откако Русија започна инвазија на Украина.

Како и други банки од Волстрит, Голдман води мало инвестициско банкарство и наведе дека има околу 588 милиони во руски долг.

Банкарството е најновата индустрија која поради војната е под притисок да ги прекине врските со Русија. За разлика од компаниите кои проиведуваат и продаваат стоки во Русија, банките имаат кредити, депозити и постојани односи со клиентите за кои е потребно време да се прекинат.