Статистика ги објави најплатените професии

Државниот завод за статистика објави дека просечната месечна исплатена нето-плата по вработен, во јуни 2022 година, изнесува 31.869 денари. Меѓу најдобро платените работници во нашата земја се најдоа компјутерџиите, банкарите и научната фела. 

– Компјутерско програмирање, консултантски и сродни дејности 81.094 денари,

– Воздухопловен транспорт 50.513 денари,

– Финансиско-услужни дејности, освен осигурување и пензиски фондови 50.043 денари,

– Останати стручни, научни и технички дејности 49.901 денари,

– Дејности на изнајмување и давање под закуп (лизинг) 49.276 денари.

Според ДЗС, во јуни годинава просечната месечна исплатена бруто-плата по вработен изнесувала 47.634 денари.