Паметен тротоар ги претвора чекорите во електрична енергија

- Advertisement -

Телфорд, град во Велика Британија, постави паметен тротоар кој генерира енергија од чекорите на минувачите. Таа енергија потоа се користи за полнење на телефони, објавија локалните медиуми.

Советот на Телфорд и британскиот парламент покренаа поставување на високотехнолошки тротоар, кој на луѓето ќе им овозможува да ги полнат мобилните телефони така што чекорите ќе ги конвертираат во електрична енергија.

- Advertisement -

На тротоарот има екран, кој се напојува со соларна енергија. На него се прикажува количината енергија која се создава во текот на одењето по тротоарот. Паметниот тротоар е поставен помеѓу главната железничка станица и центарот на Телфорд.

Тротоарот е широк шест метри и е дел од проектот на Советот на Телфорд вреден 4 милиони фунти, во склоп на мерките за борбата против климатските промени. Од парламентот на Велика Британија велат дека овој проект е многу битен за подигање на свеста за генерирање чиста енергија и е забавен начин да се покаже како може да се генерира зелена енергија.

- Advertisement -

(N1)

(фото: Pxhere)

Сподели!
- Advertisement -