Според новиот извештај на Bloomberg, кој цитира анонимни извори во компанијата, Apple си поставил интерна цел да го претстави својот прв електричен автомобил во 2028 година. Овој проект, познат како Project Titan, почна во 2015 година со амбициозна цел креирање на целосно ново автономно возило.Меѓутоа, после повеќе предизвици, вклучувајќи и промена во раководството и техничките препреки, Apple ги прилагоди своите планови.
Кевин Линч. кој го води проектот од 2021 година, го насочи развојот кон создавање возила со ограничена автономија. Според изворите, планираното возило би требало да поседува автономна технологија слична на онаа која моментално ја нудат производители како Tesla.
Ова вклучува автономно возење на патишта и автопатишта, со барање возачот да остане внимателен и спремен да ја преземе контролата. Таквиот систем би бил категоризиран како ниво 2+ на автономија, за разлика од првобитно замисленото ниво 4.
Иако Apple не ги потврди официјално овие информации, извештаите сугерираат дека компанијата имала притисок да дефинира јасна стратегија за Project Titan. Досега проектот не резултирал со создавање одржлив прототип, а извештаите на Bloomberg го нагласуваат скептицизмот во компанијата за тоа колку ќе биде навистина иновативен првиот автомобил на Apple.
И покрај предизвиците, Apple продолжува да го истражува полето електрични возила и автономно возење. Со својата репутација за иновации и технолошки напредок, индустријата со нетрпение го очекува развојот на овој проект. Промените во софтверската технологија и меѓународната регулаторна средина може дополнително да влијаат на конечниот облик и можностите на електричниот автомобил на Apple.
Иако уште нема официјална потврда од Apple, извештаите укажуваат на тоа дека компанијата сериозно ги сфаќа предизвиците и можностите кои ги дава пазарот за електрични возила.Останува да се види како ќе се развива Project Titan и какво влијание ќе има на динамичниот пазар за електрични автомобили.
(Bankar.me)
(фото: PickPik)
