Кинеската компанија Huawei планира за шест до дванаесет месеци да го пушти во продажба новиот оперативен систем Harmony, а на него планираат да интегрираат дури 100.000 апликации. Huawei има повеќе од 15.000 апликации базирани на Harmony кои можат да ги задоволат основните потреби на потрошувачите, но корисниците бараат повеќе персонализирани апликации и апликации за купување.
„Врз основа на нашата анализа, за екосистемот Harmony да биде зрел во задоволувањето на потребите на потрошувачите, 100.000 апликации се пресвртница и ова е клучна цел во следните шест до 12 месеци“, рече претседателот на Huawei, Ксу Жијун.
Амбициозната цел на апликациите ја нагласува итноста за развој на домашни технологии, бидејќи Кина се соочува со зголемени тензии со САД во областа на трговијата и технологијата, додека новоизбраниот претседател Доналд Трамп се заканува дека ќе стане построг кон Кина.
Huawei го лансираше својот оперативен систем пред пет години, откако американските санкции ја прекинаа поддршката за Google.
(Klix.ba)
(фото: Flickr)
