Поставен е камен темелник на изградба на фабрика за електронски батерии за автомобили во ТИРЗ Кичево

Во ТИРЗ Кичево денеска почна изградба на фабрика за електронски батерии за автомобили на белгиската компанија „Аvesta battery and energy engineering“ каде во првата фаза ќе бидат инвестирани 10 милиони евра и ќе се отворат 120 до 200 вработувања.

„Извозот да биде до половина милијарда евра, максимално очекуваме за 6 до 7 години да порасне. На почетокот ќе биде нормално 50-тина милиони, тој ќе се развива“, изјави премиерот Христијан Мицкоски на денешното поставување на камен темелник.