Поради европските закони, Apple веќе воведе големи промени на своите уреди, а сега ја прекинува продажбата на неколку модели на iPhone.
Со цел да ги приспособат своите телефони на европските регулативи, Apple ја замени претходната порта за полнење со USB-C порта во своите телефони (и други уреди) од генерацијата iPhone 15. Пред неколку години ЕУ го донесе овој закон со цел полначите на различни уреди, но и уреди од различни производители да бидат компатибилни, за да не мора да се купуваат нови полначи и со тоа да се намали количината на електронски отпад.
Токму поради оваа причина, односно регулативите поврзани со приклучокот за полнење, бројни технолошки медиуми оваа недела објавија дека Apple ќе престане да продава телефони од две серии на своите уреди во Европската унија. Според овие информации, Apple ќе го повлече iPhone SE од својата палета на уреди на европскиот пазар, како и целата генерација телефони од серијата iPhone 14.
Иако тие не се нови модели бидејќи овие телефони беа претставени пред повеќе од две години, тие се уште се достапни во продажба, но додека нивната продажба треба да продолжи на другите пазари, се чини дека тие повеќе нема да бидат достапни на пазарот на ЕУ. Ова секако не е добра вест за Apple, но и за некои фанови на Apple кои размислуваа да ги купат тие уреди бидејќи се подостапни во споредба со моделите од сериите iPhone 15 и 16 Што се однесува до потенцијалните купувачи на моделот SE препорачуваме да почекаме уште неколку месеци бидејќи Apple наскоро треба да ја претстави новата генерација на овој телефон што носи големи промени во големината и дизајнот на екранот и може да привлече голем број корисници.
Освен телефони, таблети и слушалки, Apple веќе ја започна транзицијата кон USB-C полначи и на своите компјутери, а оваа транзиција треба да биде завршена до крајот на следната година. Оваа компанија со години се спротивставуваше на притисокот од ЕУ според кој сите уреди треба да користат исти полначи, а потенцираа како ваквите одлуки на бирократите негативно влијаат на иновациите, но кога законот е веќе донесен, односно кога влезе во сила, немаат друг избор освен да ги почитуваат прописите и да ги направат промените што се бараат.
Извор: ГСМ Арена
Фото: Trusted Reviews
