Кинескиот технолошки гигант Honor го најави својот влез во областа на хуманоидната роботика, како дел од амбициозниот инвестициски план од 10 милијарди долари во развојот на вештачката интелигенција. Овој потег сигнализира проширување на деловните хоризонти на компанијата, која досега беше позната пред се по паметните телефони, но сега се стреми кон место меѓу лидерите на новата ера на вештачка интелигенција.
Honor, бренд кој беше синоним за иновации во мобилните уреди, сега прави голем пресврт влегувајќи во полето на хуманоидните роботи. Компанијата најави дека во следните години ќе инвестира дури 10 милијарди долари во развој на вештачка интелигенција, а централно место во оваа стратегија ќе заземе роботиката.
Извршниот директор на компанијата нагласи дека Honor нема да застане само на производство на хардвер, туку ќе работи и на развој на напредни системи за вештачка интелигенција, кои им овозможуваат на роботите да учат, да се приспособат и да функционираат во секојдневните средини. Фокусот ќе биде ставен на хуманоидните роботи, кои можат да извршуваат задачи во услужните индустрии, здравството, но и како лични асистенти.
Ова проширување на бизнис моделот доаѓа во време кога глобалната трка за доминација во секторот на вештачката интелигенција станува се поинтензивна. Honor сака да се позиционира како играч кој може да ја комбинира врвната технологија со реалните потреби на корисниците, без разлика дали се тоа паметни телефони или напредни роботи кои го олеснуваат секојдневниот живот, објави порталот Tech in Asia.
Во следните неколку години се очекува да бидат претставени првите прототипови на хуманоидни роботи, а компанијата веќе почна да ангажира експерти од областа на вештачката интелигенција и роботиката ширум светот. Со ова, Honor испраќа јасна порака – подготвен е да влезе во нова ера на технолошки развој, каде што вештачката интелигенција ќе игра клучна улога во обликувањето на иднината.
(Bizlife)
(фото: Wikimedia)
