Технолошкиот гигант Nvidia стана првата компанија во историјата што достигна пазарна капитализација од 4 трилиони долари, откако нејзините акции денес пораснаа за 2,8% на 164,42 долари.
Поттикот за најновиот раст доаѓа од зголемените инвестиции во вештачка интелигенција од страна на големи клиенти како што се Microsoft, Meta, Amazon и Alphabet, кои планираат да потрошат околу 350 милијарди долари за капитални расходи во следната фискална година, според аналитичарите на Bloomberg.
Компаниите заедно сочинуваат повеќе од 40% од приходите на Nvidia. Денес, Nvidia учествува со 7,5% во S&P 500, што е блиску до рекордно влијание на една компанија врз овој референтен индекс.
Аналитичарите предупредуваат дека доминацијата на компанијата во индексите би можела да предизвика значителна волатилност доколку расположението се промени.
(Bizlife)
(фото: Trusted Reviews)
