Од тренер за трчање до мулти-инфо плочки – новата надградба носи нови здравствени функции и поинтуитивно искуство за повеќе корисници на Galaxy Watch
Samsung Electronics Co., Ltd. денеска ја најави достапноста на One UI 8 Watch надградбата¹ за Galaxy Watch Ultra, која ги носи мотивациските здравствени функции и усовршениот, интуитивен интерфејс од новата серија Galaxy Watch8 до поширок круг на Galaxy корисници. Со оваа надградба, корисниците на Galaxy Watch Ultra сега имаат пристап до моќни алатки² како што се Тренер за трчање (Running Coach), Васкуларен товар (Vascular Load), Антиоксидантен индекс (Antioxidant Index), — сè со цел да им помогне во градењето поздрави навики преку мотивациски увид.
One UI 8 Watch е оптимизирана за паметни часовници, прикажувајќи ги најважните информации на прв поглед. Мулти-инфо плочките (Multi-Info Tiles) овозможуваат прилагоден преглед на здравствени метрики, временска прогноза и други податоци – сè што е најпотребно, во вистинскиот момент. Функцијата Now Bar³ овозможува секогаш да имате пристап до она на што моментално работите. Овие карактеристики се совршено усогласени со робусните перформанси и издржливоста на Galaxy Watch Ultra.
Galaxy Watch Ultra останува врвниот придружник за сите љубители на авантури на отворено, достапен во четири елегантни нијанси на титан, вклучувајќи ја и новата Titanium Blue. Од друга страна, Galaxy Watch8 е дизајниран за секојдневна грижа за здравјето, со акцент на удобност и стил, додека Galaxy Watch8 Classic нуди безвременска елеганција со напредни функционалности. Galaxy Watch8, Galaxy Watch8 Classic и Galaxy Watch Ultra во Titanium Blue наскоро ќе бидат достапни глобално.
Повеќе информации за Galaxy Watch Ultra можете да најдете на:
https://www.samsung.com/galaxy-watch/.
За Samsung Electronics Co., Ltd.
Samsung ја инспирира иднината со трансформативни идеи и технологии. Компанијата ги редефинира световите на телевизори, дигитален сигнализациски систем, паметни телефони, носливи уреди, таблети, апарати за домаќинство и мрежни системи, како и меморија, системски чипови и фабрикација. Samsung исто така напредува во областа на медицинска визуелизација, HVAC решенија и роботи, а создава и иновативни автомобилски и аудио производи преку Harman. Со својот SmartThings екосистем, отворена соработка со партнери и интеграција на вештачка интелигенција низ целиот свој производен опсег, Samsung нуди беспрекорно и интелигентно поврзано искуство.
За најнови информации, посетете го Samsung Newsroom на: news.samsung.com/mk
