Некои корисници на Facebook во САД и Велика Британија беа изненадени кога, откако споделија неколку линкови, се појави прозорец во кој им се понуди да платат за понатамошно споделување – претплата.
Според BBC, а потврдено од Meta, во тек е тестирање за ограничување на бројот на линкови што можат да се споделат на Facebook.
Ова е ограничен тест со цел да се разбере дали можноста за објавување зголемен број објави со линкови додава дополнителна вредност за претплатниците, објасни Meta.
Оваа нова претплата би можела да биде уште еден обид на Meta да го направи Facebook уште пофинансиски профитабилен, а најтешко би ги погодила оние што објавуваат повеќе линкови дневно. Дали „претплатата за споделување“ ќе се прошири на други пазари и под кои услови сè уште не е познато.
За потсетување, Meta Verified е претплата на Facebook што им нуди на корисниците на Facebook и Instagram „сино штиклирање“ што го потврдува идентитетот на сопственикот на сметката, подобрена поддршка и заштита од измама.
(Zimo)
(фото: Noble House Media)
