Европскиот парламент одлучи да го користи францускиот Qwant наместо Google како стандарден интернет прелистувач од 4 јуни, што претставува уште еден чекор во напорите на Европската унија да ја намали зависноста од американските технолошки компании и да ги зајакне европските дигитални решенија.
Промената автоматски ќе се применува во прелистувачите Microsoft Edge и Mozilla Firefox што ги користат пратениците, нивните соработници и административниот персонал на Парламентот. Корисниците сè уште ќе можат да изберат друг прелистувач доколку сакаат, објавува Ројтерс.
Европскиот парламент наведува дека одлуката е дел од поширока стратегија што има за цел да ја намали зависноста од дигитални алатки надвор од Европската унија и да промовира европски услуги што обрнуваат поголемо внимание на заштитата на приватноста на корисниците.
Овој потег доаѓа во време кога Европската комисија презентира нови мерки за развој на европската индустрија за чипови, услуги за cloud computing и вештачка интелигенција како дел од иницијативата „Купи и користи европски“, која има за цел да ја зајакне технолошката независност на ЕУ.
Европскиот парламент има 720 пратеници, како и илјадници асистенти и административни службеници, па евентуалното масовно преминување на Qwant ќе претставува една од најголемите институционални апликации на европскиот интернет прелистувач досега.
