Овој викенд познатата иницијатива Womenpreneurs Stories се сели во Охрид, каде што ќе се одржи во склоп на програмата на Codefest Tech Festival. Womenpreneurs Stories е настан кој веќе се одржува традиционално и има за цел да ги слави и да ги сподели приказните на инспиративните жени во бизнисот.
На ова издание на Womenpreneurs Stories ќе имате можност да ја запознаете Нада Миљковиќ, да ја дoзнаете нејзината приказна за тоа како успеала како македонски имигрант да стигне до кариера во Google како хардверски тест инжeнер.
Таа ќе ви раскаже со какви предизвици се соочила во текот на нејзината кариера, како стигнала до работата во Googleplex, Калифорнија, каков е процесот за вработување во Google и каков хардвер развива таа, односно од што се состои нејзината работа.
Точниот датум на настанот е 21 април 2018 (сабота) и ќе се одржи во хотелот Инекс Горица, односно во Codefest Tech Festival 2018 Community Corner. Настанот ќе трае од 17.45 до 19.45 часот.
Настанот е организиран од Womenpreneurs Stories, во соработка со Швајцарската програма за претприемништво (#SwissEP), поддржана од Владата на Швајцарија и имплементирана од Swisscontact; Startup Zone и Grouper.mk
Вашето место обезбедете го на следниов линк. За повеќе информации следете на Фејсбук настанот на следниов линк.
