Instagram наскоро ќе ви дозволи да постирате видеа кои се долги до еден час со цел да му стане поголема конкуренција на YouTube, се вели во најновиот извештај на компанијата. Оттаму размислуваат да додадат опција за продолжени „вертикални видеа“ и веќе разговарале со продуценти за да направат долгометражни клипови за Instagram, пишува DailyMail.
Оваа апликација за споделување фотографии моментално има временско ограничување од 60 секунди односно 15 секунди во „приказните“. Корисниците веќе можат да емитуваат видеа во живо долги до 1 часа, но Instagram работи на продолжување на временскиот лимит за другите видеа.
Тие видеа ќе бидат вертикални. Тој формат Instagram веќе го користи за „приказните“. Пуштањето реклами како подолги видеа ќе му помогне на Facebook, кој го поседува Instagram, уште повеќе да ја монетизира веќе огромната публика на оваа апликација. Instagram има 800 милиони активни корисници, од кои 500 милиони секојднeвно ја користат апликацијата. Оваа новина е со цел да му конкурира на YouTube, која според неодамнепен извештај е најпопуларна онлајн платформа за тинејџерите – само 51% од децата на возраст од 13 до 17 години користат Facebook, додека 85% користат YouTube.
