Кинезите претставија 5G пораки кои ќе ги заменат СМС пораките

Пред неколку дена трите главни мобилни оператори во Кина одржаа онлајн конференција за печат за заеднички да ја објават функцијата 5G пораки. Како што наведува сајтот Gizchina, 5G пораките ќе бидат надградба на постојните СМС пораки.

За „обичните“ корисници 5G пораките значат укинување на ограничувањата за должина на пораките, како што е случај сега со СМС пораките. Исто така, ќе бидат поддржани повеќе различни формати, вклучувајќи текст, фотографии, аудио, емотикони и контакти. Ќе бидат поддржани и офлајн пораки.

Уште нема се познати многу детали, но сигурно е дека 5G пораките ќе направат вистинска револуција во комуникацијата меѓу луѓето, но и меѓу компјутерите.