Со цел подобрување на поврзаноста на интернет и ефикасноста во Азиско-пацифичкиот регион компаниите Facebook и Google заедно ќе реализираат исклучително битен проект. Станува збор за проектот Apricot, кој вклучува поставување подморски кабел. Оваа мрежа треба да биде оперативна до 2024 година, а нејзината задача е подобрување на конекцијата меѓу Азија и Северна Америка.
Освен тиа компании, во проектот учествуваат и некои други регионални играчи. Кабелот долг 12.000 км ќе ги поврзува Јапонија, Тајван, Гуам, Филипините, Индонезија и Сингапур, а истовремено ќе имаат конфигурација која нуди флексибилност. Кабелот ќе поддржува брзина на пренос на податоци од над 190 терабити во секунда.
Претходно годинава Facebook најави друг проект на подморски кабел кој се состои од два кабли под Тихиот Океан, а тоа се Echo и Bifrost, кои ќе ги поврзуваат Сингапур и Северна Америка. Google, пак, има мрежа од 18 подморски кабли кои овозможуваат пристап до услуги во облак на оваа компании за кој било дел од светот.
(Klix.ba)
(фото: Free Images Live)
