Хрвстатскиот стартап GROW на Јосипa и Кристијан Бенчек ја лансираше својата прва кампања за групно финансирање на платформата Indiegogo, со кога сакаат да соберат средства за развој на своите очила за глуви лица и за лица со оштетен слух.
Во загрепскиот Z центар беа претставени очилата VOICEE, кои во реално време на екранот го испишуваат текстот кој го изговараат луѓето околу нив. Минатата година Јосипa и Кристијан по прв пат на јавноста и ја прикажаа својата иновација, која беше дочекана со одушевување и оправдано неколку пати наградена. Иако го развија потребниот софтвер и очилата се функционални, има уште простор за развој за 97 милиони луѓе во светот да го решат проблемот кој го имаат со слухот.
„Моменталниот прототип преку микрофон ги прима звуците кои потоа ги испраќа во облак, а ги враќа назад во форма на текст на стаклото на очилата. Го тестиравме на глуви лица, но и на многу други луѓе. Иако уште имаме некои тешкотии како што е продолжување на животниот век на батериите, VOICEE очилата се спремни за употреба“ изјави Кристијан Бенчек.
Кампањата за групно финансирање ќе биде активна 55 дена, а можете да ја најдете на овој линк.
(Vidi.hr)
(YouTube)
