Apple идната година ќе претстави дури четири телефони со 5G конекција

Еден од најголемите производители на мобилни телефони во светот, Apple, се подготвува идната година да претстави дури четири нови модели на iPhone. Според интернет страницата Mashable, станува збор за четири модели од новата генерација.

Два модели ќе имаат екран од 6,1 инчи, еден ќе има 5,4 инчи, а еден 6,7 инчи. Исто така, се очекува два модели да бидат стандардни телефони, а другите два PRO уреди. Сите модели ќе се конектираат на 5G, но не на ист начин. Се очекува дека PRO моделите ќе се поврзуваат на брзи мрежи, додека стандардните ќе се поврзуваат со поевтини 5G мрежи.