24 C
Skopje
вторник, јули 14, 2020

Новата хорор серија на Стивен Спилберг ќе може да се гледа само ноќе

Kabtel desktop

Стивен Спилберг подготвува толку страшна серија што ќе може да се гледам само ноќе кога ќе падне мрак, а кога ќе излезе сонцето и ќе се раздени епизодите повеќе нема да бидат достапни се до навечер. Серијалот „After Dark“ ќе биде достапен само на плaтформата за стриминг Quibi и ќе ги користи податоците од паметните телефони за локација за да знае кога заоѓа и изгрева сонцето каде што живеат корисниците и да ги отклучува, односно заклучува епизодите.

Станува збор за интересен маркетинг трик кој ќе го привлече вниманието на многу корисници, а ова е одлична реклама и за платформата Quibi, која ја основаа Џефри Каценберг и Мег Витман. Quibi првенствено ќе биде наменета за мобилни уреди и гледање во движење, па планот е најголем дел од епизодите да траат од 7 до 10 минути. Исто така, на корисниците ќе им бидат достапни и филмови, но се очекува дека тие ќе бидат многу пократки од класичните филмови.

Кога официјално ќе стартува Quibi во април идната година, месечната претплата ќе изнесува 5 долари, при што пред видеата ќе има кратки реклами, додека месечната претплата без реклами ќе изнесува 8 долари. Освен со Quibi, легендарниот филмски режисер има договор и со Apple, за чиј нов стриминг сервис прави нова верзија на серијата „Amazing Stories”.

Сподели!
  •  
  •  

НАЈПОПУЛАРНИ

Сподели!
  •  
  •